叫媽媽！

2015 Oct 19 

間中都有對住Anson 叫媽媽，Anson 今晩終於叫第一聲媽媽，成功啦！好慢，大個口，好大聲呀！感動中！

2015 Oct 20 

點知第二晚不叫媽媽叫爸爸，明明教佢叫媽媽，點解？爸爸真係易叫D？

最近Anson 仲成日自己練習拍手，但次次拎起手機想影低佢就停左！

生活片段

2015 Sept 2 

我要盡快把以下的東西紀錄下來，要不然以我現在的記憶力，三兩個月後便可忘記得一乾二淨：

哥哥最喜歡以肉緊表情捉住細佬的小小手脾及用他大大的頭貼實細佬的一張蘋果似的臉，加一臉無奈的表情，只差一句唔好咁埋呀因未會說話！

哥哥返K1兩個星期，很喜歡表達自己，也突然很喜歡以我的囗吻跟我說話：我地睇一本書跟住瞓覺，好無？(高音調)

投資教訓

2015 August 20 投資 

股票，無只升不跌，如果研究過某股票是實力股可長期持有，建議跌買少少，升又放少少，賺盡中間差價

外幣，就算是人民幣也有貶值之時！

要留意市場news 及trend，市場告訴你一切！ 做任何決定之前要先看市況及consult! 

倆兄弟生活

2015 8 18

細佬6個月大，很容易笑！笑到手舞足動，好可愛！又愛看我和哥哥在做什麼，非常關心我們的一舉一動，哈！

快3歳的哥哥返左新學校，勁開心！講野又叻左，仲學會站著去wee wee！

成長

2015 August 9

上個月林二少出了兩隻門牙！林大少上月底亦成功介片！叻叻！！

哥哥講說話進步不少！例如今天睡前說：星期日去揾公公，搭的士去揾公公，見到公公要大聲D！

反身

2015 6 30 天晴 

細佬今日識反身了真開心！同時也意味著你在一天天成長！真捨不得你長大．．．

流鼻血

2015年6月19日

上個星期四龍BB半夜流鼻血，嚇壞媽，早上起床見到血已干，擔心他是多次跌倒額頭瘀影響內藏出血，早上兩個conference call 還是到醫院check一下。好在只因近期流鼻水多鼻膜損了造成，不是跌瘀造成。而其中太陽穴位半隻雞蛋般大，原來是蚊蛟而不是瘀，也算好彩。

反身

2015年6月18日

四個半月的細佬今天想反身了！邊叫邊反好好笑！連哥哥也來湊熱鬧呢！

星期天大作戰

我2015 June 7 

星期天，作戰天，姐姐放假，媽媽一腳踢，好在爸爸都有幫手睇住哥哥，幫輕下！早上去教堂，下午回家打杖，晚上同公公去食潮卅菜。睡覺前抱著細佬同哥哥在床上講故事，哥哥高興哈哈笑，四個月大的細佬意外地也跟著卡卡笑！哥哥中途落床出去攞書，細佬即叫，好似叫哥哥唔好走，哥哥回來，細佬又卡卡笑番，好可愛呀！^^

現在細佬會認人，星期六見Apple e e 同契媽爆喊！會玩手指，用手玩床邊玩具，同佢玩會笑！

關心爸爸

2015 June 6

爸爸腰好番，再去接送龍BB游水。今次是第三次沒有哭著進塲，情緒穩定很多，又進一大步！

離開時，龍BB在落樓梯前回頭提醒爸爸要小心落樓梯，爸爸答知道了，龍BB還不放心，回頭看爸爸，確保爸爸無事。媽媽看在眼裡，心裡感動！我的可愛兒子啊！媽媽愛你！^^